დღევანდელი დღე

             სოფელი ამაყია არა მარტო წარსულით, არამედ დღევანდელი დღითაც.

ცხოვრობს სოფელი ჩვეული მდუღარე ცხოვრებით - გლეხი ზვრებსა და ბაღ-ვენახებში შრომობს, მასწავლებელი ასწავლის, მოსწავლე სწავლობს, მოჭიდავე ჭიდაობს ...და რაც მთავარია მწერალი წერს ...

        მწერლებში კი გაგვიმარათლა...

       იცნობთ ალბათ კარლო კობერიძეს ... მრავალი საბავშვო ლექსების, მოთხრობების და რომანების ავტორს. მისი ნაწარმოებების გმირები უფრო ხშირად მისი (და ჩვენიც) თანასოფლელები არიან. ალბათ ამიტომაცაა ასე ახლობელი ბატონი კარლოს ნაწარმოებები თითოეული შაშიანელისთვის და არა მარტო მათთვის...

     მწერლობაში მოსინჯული ძალები საკმაოდ მნიშვნელოვანი აღმოჩნდა სხვებისთვისაც...

ეს ბიძინა წიკლაურის წიგნია...

 ... ეს კი შალვა სირბილაშვილის. ავტორმა მასში თავისი ცხოვრება აღწერა, ცოტა სოფლის ტრადიციებზეც მიგვანიშნა... იცნობთ, ალბათ, იგი იმედის გმირია... ბევრს  ნანახი ექნება მისი ქველმოქმედების შესახებ გადაღებული სიუჟეტი. ეს არის კაცი, რომელმაც თბილისში 500-მდე ხე დარგა
                                                                და გაახარა. ეს არის კაცი რომლისთვისაც ერთნაირად მნიშვნელოვანია ყველა საქმე, მთავარია გულით აკეთო და სიკეთე თესო!

http://www.youtube.com/watch?feature=player_embedded&v=bfXHK4vmFL8

           სოფლის გულშემატკივრებიდან როგორ შეიძლება არ გაგაცნოთ ბატონი ჯემალ გოგიშვილი – ამჟამად ფიროსმანის სახელობის საერთაშორისო შემოქმედებითი ასოციაციის პრეზიდენტი.    

ეს მისი ნამუშევრებია.

 

 

ეს ბატონი ჯემალ გოგიშვილის სატირულ-იუმორისტული ნაწარმოების გარეკანია

ეს კი ნაწყვეტია  მისი  ერთ–ერთი ლექსიდან

მარად სანატრელო,

ხატზე საფიცარო,                                                 
ჩემო მამულეთო,
ვარდნარების ფერო,
სიზმრებში და ცხადშიც
სიხარულით მავსებ,
მოვალ,შენთან მოვალ
რათა მოგეფერო...

                            ნოსტალგია. ატლანტა,11.04.2009 წ.
ჯ.გ

                          ამ, ისევაც მშენებარე  ეკლესიაზე რაღას იტყვით?..

                                                                                                

ლამაზია არა?..

გავაგრძელო?..

აღარ მინდოდა მაგრამ,  რა ვუყო უკვე ხორცშესხმულ ინიციატივას ,,სოფლის განვითარების საქველმოქმედო ფონდის შექმნის“ შესახებ, რომელმაც  წარმატებული თანასოფლელები გააერთიანა ერთი, ყველასათვის სასურველი და საყვარელი სოფლის კიდევ უფრო გალამაზება-განვითარებისთვის.
    ეს რეალობაა ისევე, როგორც ეს პატარა  ,,სოფლის სახლი" - იუსტიციის სახლი მრავალი საჭირო სერვისით;  მშენებარე დარბაზი სკოლისთვის; ჭიდაობის მოედანი....
ამით ხომ სოფლის ახალგაზრდობის დიდი ხნის ოცნებაც ასრულდება...

... მაგრამ არ იფიქროთ, რომ ოცნებები აღარ გვაქვს!..

        მოგეხსენებათ რამდენად მნიშვნელოვანია თავისუფალი დროის სწორად ორგანიზება. სპორტული ცხოვრება კარგია, მაგრამ ჯანსაღ სხეულს სწორად ორგანიზებული გასართობი და შემეცნებითი ღონისძიებები უფრო მეტ მომხიბვლელობას შემატებდა. ამჟამად სოფელში არ გვაქვს კულტურის სახლი.

არადა ამ სურათებიდანაც კარგად ჩანს რამდენად ნიჭიერი და მხიარული თაობა გვყავს...

   იმედი მაქვს ამ ნატვრასაც აგვიხდენენ... მითუმეტეს, რომ არც ჩვენ ვართ უსაქმურები... ვშრომობთ და ვსწავლობთ, ჩვენეულად ვიბრძვით წარმატებებისათვის...

              
ეს დათუნაა ( დავით ბიწკინაშვილი) - ეტალონის ერთ-ერთი თამაშის მონაწილე...

ესენი კი ჩვენი სკოლის წლევანდელი კურსდამთავრებულები არიან. 19 – დან 13 სტუდენტი გახდა, ზოგიერთი გრანტირებულიც... ცუდი შედეგი არ უნდა იყოს!..

   

                                                                                                             ესენიც ჩვენ ვართ ... სოფლის და მისი მიმდებარე ტერიტორიის სისუფთავის დაცვა ჩვენი საქმეცაა.

       ნარგავების ჩამატებაც ჩვენ ვითავეთ სტიქიის შედეგად განადგურებული ფიჭვისა და ნაძვის ხეების ნაცვლად. 

           ... სულ ცოტა ხანში კი ესეც ისტორია იქნება .... სხვები კი ჩვენზე დაწერენ...


P.S.

Sofeli Shashiani გააზიარა სოფელ შაშიანის განვითარების ფონდი-ისსტატუსი

10 საათის წინ

11.11.13.წ დღე რომელიც დარჩება ჩვენი სოფლის ისტორიაში.

11.11.2013. ოფიციალურად დაარსდა ,,სოფელ შაშიანის განვითარების ფონდი'' და გაიმართა პრეზენტაცია.
მოდით, დავიწყებ სულ თავიდან, აი იქიდან ჯერ ფონდი მისი დაარსების ინიციატორის გუნებაში რომ არსებობდა და ნელ-ნელა ისხამდა ხორცს. სოფელში ფონდის დაარსების ინიციატივა ეკუთვნის ბატონ ნოდარ სირბილაშვილს, რომელმაც არ დაზოგა ძალები და ჩანაფიქრი რეალობად აქცია. მან შექმნა არასამთავრობო ორგანიზაცია ,,საქართველოს რეგიონებში სამოქალაქო საზოგადოების კავშირი'' და მასვე დაუქვემდებარა ,,სოფელ შაშიანის განვითარების ფონდი''. მან შეკრიბა ყველა ის ადამიანი ვისაც ჩვენი სოფლის სიყვარული აერთიანებდათ, და გააცნო თავისი ჩანაფიქრი. ბევრი რომ არ გავაგრძელო 3 თვიანი დაკვირვების და მუშაობის შედეგად (ასევე ჩემი ერთგული მკითხველის აზრის გათვალისწინებითაც) დღეს 11 ნოემბერს დაფუძნდა ფონდი. 

                        ... ესეც კიდევ ერთი სასიხარულო ამბავი ...

                                                    ... გიხაროდეს, სოფელო !..